首先磅重, 然後量度頭圍及身長.
最新數字分別是5.6kg, 39cm及59.2cm.
重量及頭圍已升至97%, 是肥妹及大頭妹. 最厲害是身長, 超出了同齡的範圍.
今次打針打在大脾位, 一拮下去, BB大哭掙扎.
醫生突然托一托起BB, 讓她坐著, BB立時收聲.
然後醫生在BB耳邊不停說: "唔記得, 唔記得, 返到屋企就全部都唔記得", BB很留心地聽著.
由於太神奇, 醫生像魔術師說malimalihong似的, BB又顯得很聽話, 我們都忍不住笑起來!
現在除了"呀呀哦哦"外, BB開始會發出其他聲響音. 今天爸爸替她換片片時, BB剛發出近似"da di"的聲音, 聽起來像是"daddy", 爸爸又一廂情願地認為BB已懂得叫他, 十分開心.
