祝爸爸生日快樂!

點解我今日著到紅彤彤?

因為今日是爸爸牛一呀!

爺爺嫲嫲都來和爸爸一起慶祝生日.

我們去了食自助餐,
我好乖請爸爸食嘢,
祝爸爸生日快樂!
今日我仲自己企起身行了幾步,
當係送給爸爸的生日禮物啦!

功夫小B

(20090829)
今日我又去表哥屋企游水,
然後到大表姐屋企食晚飯,
大表姐明天一早就要乘飛機回美國讀書了.

睇吓我和表哥一人一張私家沙發幾嘆!

我呢張舒服到可以練踢腿,
呢個一字馬厲害嗎?

ugly face

近來,
我突然學JonJon弟弟的 ugly face,
常常突然對人做出這個表情,
好像好好玩.

Rainbow Playgroup

上次我和謙謙哥哥一起參加的playgrouop只上了一次,

就因為H1N1暫停了.
現在我們都大個了,
所以轉了另一個playgroup.
節目很豐富呀!
首先玩玩具,
然後圍圈唱歌,
跟著聽故事,
接下排隊洗手,
因為有小食,
最後就是做手工.

不單我可以再和謙謙哥哥見面,
媽媽還碰到她的大學同學,
原來叔叔和哥哥住在我們家附近,
以後我又多一位朋友仔了.

星期一playgroup

今日輪到JONJON弟弟來我屋企玩.

可惜SHARON媽媽要工作,
SHARON妹妹沒有一起來.

不過, 我地兩個人都好多嘢玩.
煮飯仔啦, 讀CARD CARD啦,
SHAKE SHAKE DONUT啦,
最好玩是在走廊玩捉,
很刺激呀!
到我識行時該更好玩呢!

節目豐富

(20090823)
今日節目好豐富呀!
早上去了鄰居CODY姐姐屋企玩.
中午一家人去飲茶,
因為大表姐快放完暑假, 要回美國讀書.
飲茶時我吃了三個包呀!!!
下午回家小睡一會,
又去參加大B表姐的生日會.
大表哥5月生日,
我就6月,
BB表哥7月,
大B表姐8月,
細B表姐10月,
大表姐12月.
連續幾個月都有生日會呀!

懶豬豬

好嘢! 去超級市場買嘢食呀!睇吓我揀乳酪時幾認真.

回家後當然立即開餐,
兩隻手都拿著麵包,
所以我就這樣飲水了.

胃食貓

今日我又去表哥屋企游水.

發生了一件好攪笑的事.
姨媽請我食紫菜,
表姐又再請我食一片,
但我食晒後,
居然走去垃圾箱,
把空的紫菜盒拿出來,
想找多一片吃,
大家都說我超級胃食.

唔浪費

點解D口靚模姐姐食雪糕食到滴落心口咁晒嘅?
你睇吓我地BB,
食嘢LAM到一乾二淨,
一D都唔浪費呀!

小安德烈家庭聚會

(20090817)

我今日又有街去,
檢查好衫褲鞋襪,
(其實我今日著裙和涼鞋)
出發啦!

我的目的地我近屋企,
5分鐘就到,
就係JONJON弟弟屋企.
星期六日都沒有在教會聚會,
今日加上SHARON妹妹,
我們三個小安德烈又見面啦!
比起上次父親節,
而家我地可以一齊玩, 一齊爬.
我想下次可以一齊行呢!
JONJON和SHARON,
下次去我屋企呀!

又是星期天

又是星期天,
今天我瞓了個很長的晏覺,
所以沒有和朋友仔見面,
只是爸爸媽媽和我三人行,
但都很開心,
只有星期天是和爸爸一起去街.

我們去附近的維園遊樂場,
我又玩盪鞦韆,
真是好好玩.

之後我們去了餐廳吃晚餐,
睇吓我預備好餐具就準備開餐了.
我除了私家粥仔外,
還吃了麵包, 意粉和豬扒蛋飯,
好好味呢!

BYOB

而家出街大家記唔記得自備購物袋呀?

我就一定記得!
每次去超級市場我都要背袋.
媽媽說到我識得自己行路時,
就會給我一個手袋啦!

一歲兩個月

貶一貶眼,
凱翹一歲兩個月了.
從一歲後,
已完成是小朋友了.

現在是最舒服的日子.
過了一歲, 很多食物都可以吃了.
雖然凱翹仍不喜歡奶粉,
但可以乳酪及芝士補番數.

說起吃東西,
現在凱翹喜歡食多過瞓.
7:30 奶+麵包
10:30 燉蛋+橙汁
12:30 飯
3:30 奶 / 乳酪+生果
6:30 粥
8:00 奶
但看到我們吃晚飯時,
仍要給她幾匙白飯.
最好笑是跌在口水肩上的飯粒,
她一定一粒一粒拾起吃得一幹二淨.

至於睡覺,
晚上9:00 - 7:00/7:30
早上9:00-10:00/10:30
下午1:30-3:00/3:30
到現在睡覺前仍要抱抱,
幸好夜間一覺睡天光,
就算醒了, 只要蓋好被子就知道要繼續睡.

現在都已明白大人的說話,
所以不需落手落腳一起玩.
只要告訴她媽媽想食嘢,
就慬得拿煮飯仔出來玩.
告訴她MUSIC MUSIC,
就自己彈琴.
最乖是玩完玩具後懂得放回原位或玩具箱.
穿衣服鞋襪時,
會自己舉手遞腳.
沖涼後也要自己搽CREAM.

除了慬得聽指令,
也會自己提出要求了.
晚上換好衣服睡覺前,
會指冷氣機制及燈制,
要求開冷氣及關燈,
還要爸爸先把小枕頭放在膊頭才抱她.

這個超級穩陣派到現在仍未夠膽放手行,

但出街時被拖著行則很開心.

爬上地台床及沙發已是每天的例行公事,

不過未懂得爬下來.

新walker

呢個膠箱成了我的新walker,
好快好好玩,
快到媽媽影唔切相,
我已差不多走出鏡頭範圍了.

邊度靚靚

每次出街前,
媽媽問我邊度靚靚時,
我一定摸摸衫衫,
望望鞋仔.
好似真係覺得自己好靚!

新車

今天媽媽收拾雜物櫃時,
才醒起我已可以玩這玩具車.
我懂得開車匙,
在走廊走了很多轉呀!
(是媽媽推了很多轉!)

星期天

(20090809)
今天是教會五十三週年活動,
我當然參加啦!
我們BB不出席崇拜,
留在BB房玩.
睇下我同JONJON弟弟係唔係好似幼稚園小朋友啦?

之後, 去了聚餐,
有得食又是我最喜歡的節目啦!

午餐後我回家小睡,
睡醒下午茶後就去凱柔妹妹屋企玩.
我還到了樓下的草地練習行路,
那裡有些菲傭在野餐,
我不停叫"姐姐".

舊床新用

為免弟弟出世後,
翹翹覺得BB房和BB床被弟弟佔用,
現在打算逐步讓翹翹在爸爸媽媽的房間睡覺.
今天一早看到BB床時,
(其實是六個月前睡的BB床)
興奮得不停在床上來回走動,
好像要檢查一下舒適與否.

結果,
晚上睡覺時間仍舊很興奮,
只好返回自己的房間入睡後,
才被抱到爸爸媽媽的房間.

打保玲

呢排天氣實在太熱,
又間中落雨,
成日都無得去公園.
不過,
我在家中一樣有做運動,
睇下我打保玲幾犀利!

小BB

最近媽媽給我這個小BB公仔,
我會和它一起沖涼,
睡覺也帶著它呢!

長途車

今日媽媽的大學莊友們終於一起探望樂天小B及黃小B,
他們分別住馬鞍山及沙田.
我第一次搭巴士去這麼遠的地方,
不過我沒有好好欣賞沿途的風景,
因為巴士是最好的睡覺地方.
看看我上車後五分鐘內的變化.