20100127 兩個月後記

 

好眼瞓呀!
今日一早到健康院檢查,
還打了兩枝預防針.
媽媽說第一個小孩跟書養,
第二個就跟豬養了,
很多朋友第一個BB在私家打針,
第二個就享用健康院的免費服務,
真係慳番一大筆架!

我現在12磅, 長56cm,
很有趣的是從在媽媽肚子裡開始,
我的size就和家姐一模一樣,
但因我比家姐早一個星期出世,
所以比家姐輕半磅,
之後一個月,
到現在兩個月,
一直都比家姐輕半磅.
但原來男女仔的標準很不同,
家姐在女仔那邊是大隻妹,
我在男仔這邊則剛好是50%.
但護士姐姐讚我叻,
因為我除了第一星期外,
就一直是全人奶,
不必補奶粉.
我食奶只是10分鐘左右,
媽媽一直以為我太細食,
護士姐姐說其實我是乖BB.

20100128 去熱帶雨林玩

 

 

我和弟弟一起去熱帶雨林,
有好多動物陪我哋,
長頸鹿,小象, 猴子...
我細個都好鍾意玩架!
link
要多謝Winsome, Winnie和Ame姐姐呢!

20100126 似咩?

 

媽媽以前教數學,
依家補習也以數學為主,
我唔多唔少都有D數學底.
表姐給我我的玩具蛋糕,
我自己用來玩分類.

 

愈來愈多人說弟弟似多咗爸爸,
等我唔同角度望吓.
我都唔覺似喎!

20100125 我肯飲奶啦

 

大家都知我食嘢不揀飲擇食,
連苦瓜都照食.
但飲奶就只肯飲媽媽牌,
所以我11個月時停飲人奶後,
捱了一個月奶粉後,
就不肯飲奶.
媽媽試過把奶開在其他飲品盒內,
又或是加入好立克,
都被我識穿.
今日媽媽給我一枝嘢飲,
我未見過,
即管試試,
飲落又OK喎.
難得我肯飲,
媽媽說要賣一賣廣告,
是保X加營素呀!

20100124 飯可以不吃, 覺一定要瞓

 

今天早上我不小睡,
爸爸媽媽於是帶我返教會音樂班,
和jonjon弟弟 sharon妹妹一起.
怎知後來去街時,
我又開始眼瞓,
要爸爸抱著我睡.

下午我又沒小睡,
和爸爸去jonjon家和sharon爸爸慶祝生日,
結果我6點幾回家後,
晚飯都未食完就差不多睡著,
終於我7點鐘就睡覺了.

 

今天下午爸爸和家姐去街,
姐姐也放假去街,
我和媽媽留在家裡.
我很乖呀,
食完就瞓, 瞓完就食.

20100123 行公園

 

今天爸爸要返工,
媽媽約了姨姨及愷悠妹妹和我一起行公園.
在公園內,
有一個很乖的姐姐,
送了一個汽球給我們玩.

20100122 兩個月

 

今天弟弟兩個月了!
媽媽特地為弟弟穿上我兩個月時穿的衣服.
原來我們兩個拍照時的表情和姿勢是很相似的呢!
弟弟, 你也要像我做一個乖寶寶呀!

20100121 我有一個好表哥

 

我的BB表哥是一個很喜歡BB的小男孩(現在不是BB了).
昨天我睡在他家中的沙發上,
當我喊的時候,
表哥跑來錫錫我,
一邊摸著我,
一邊說: don't cry. I'm here. I'm with you.
老師說在學校裡,
當他看到小朋友哭,
會攬攬小朋友, 說:It's okay.
我也要學學表哥識安慰人.

20100120 我有一個好家姐

 

媽媽說做大的那個好D,
因為她發覺自己成日忘記幫我影相,
到依家都無幫我印腳印(家姐一個月一次).
但我就話做細的都不錯,
多一個人鍚呢!
當我睡在摩摩椅時,
家姐會坐在對面看著我,
又會幫我推摩摩椅.

 

媽媽常常要在房內餵弟弟,
所以我也多了時間在房內玩.
這些字卡媽媽貼了三天,
我已全部會讀.
媽媽專登調了位置,
我都一樣識.
媽媽說下次教我五官及家人.

20100119 睡著也笑得出的幸福

看著弟弟這個樣子,
讓媽媽想起最近看了一位爸爸寫的親子書,
"睡著也笑得出的幸福".

 

其實不只是包包代言人,
乳酪廣告也可考慮一下呢!

 

20100118 影來影去

 

最近很多人都說我似爸爸多咗,
但媽媽說她怎麼看都不覺得似.
(STEPH姐姐, 唔通眼睛一樣會騙人?)

 

我看到甚麼伸晒脷?
這次不是食物,
而是相機.
不過,我其實是在看我食嘢的片段.

 

咦! 媽媽在影我,
等我又影番媽媽.

20100117 識嘆

 

我好識嘆架,
日頭一定唔瞓BB床,
要瞓大床.
(其實是我要人抱,
媽媽用這招扮有人抱著我)

 

最近很多人都有少少鐘意咗萬寧妹妹(對我來說是姐姐),
連媽媽都成為FANS,
打算和我去剪那個菇頭.
如果有包包廣告,
我一定是最稱職的代言人,
因為我去到邊都包包不離手.
我其實剛飲完茶回家,
又在食這個大包包.

20100115 魔術表演

 

媽里媽里洪,
大家留心我的魔術表演呀!

 

依家我照顧BB愈來愈叻,
喂奶, 掃風, 換片之外,
又識得和BB玩呢!
今日爸爸一擺出這搖搖椅,
我立即放我的BB落去試坐.
(大家猜猜我手上拿著甚麼?)

20100114 少林BB

 

周星馳好像有套戲公開招募演員,
我呢身造型去試鏡掂唔掂呢?!

 

 

點解弟弟同一日個樣會咁唔同呢?

20100113 十九個月

 

我十九個月啦! 即是一歲七個月.
又來全家福.

 

上個月媽媽太忙, 沒有匯報我的進度.
這兩個月最大的變化, 當然是做了家姐,媽媽說我做得很好.
除了上個月剛病好時很"痴"姐姐外,這個月我大個了很多.
每天早上我會鍚鍚弟弟,沖涼時幫手遞毛巾,
換片時幫忙拿紙巾及掉尿片.
當弟弟哭時, 我還會拿玩具逗他.

 

一歲半開始是語言爆炸期,
現在我學說話快了很多,
有很多詞語媽媽沒有慢慢教的,
我聽了後會突然說出來,
除了實物外,有時我會說一些形容詞,
例如好熱, 好重, 好長等.
媽媽開始教我識字,
但她沒有買那些昂貴的教材,
而是把我會說的字印出來,
因為她比較相信傳統 "聽, 講, 讀, 寫"的一套.

 

另一樣一歲半開始學會的就是上厠所.
原本因為弟弟剛出世,
媽媽打算遲些才教我,
但我今個月突然在便便時懂得對媽媽說ng ng,
然後走去厠所找痰罐.
現在我只是坐坐痰罐,
遲些天氣暖時才會開始不用尿片.

現在流行快人一步,
但到目前的經驗,
媽媽發覺到適當時機時,
我們BB會表現出想有轉變,
到時就事半功倍了.

20100112 好開心

好開心呀!
今日我做主角,有好多相.

 

為咗show show我件天使衫,
等我Pa係度扮飛.

 

我都有玩具啦!
不過, 唔夠十秒我就會大叫,
因為......
我都係鍾意有人抱我, 同我傾解多D.
(所以媽媽依家開始好唔得閒呀!)

 

星期日媽媽在宜家買了這套餐具給我,
四件裝二十多塊,
好抵呀!

 

20100111 唔郁

爸爸明明幫我影緊相, 點解轉頭又掛住影家姐?

 

嘻嘻, 我地玩緊一個叫"唔郁"的遊戲.
媽媽唱歌, 我和爸爸dancing,
當媽媽一叫"唔郁"時,
我地就要定鏡唔郁.
好好玩呀!