今日好熱呀!
我和弟弟剝光豬拍寫真呀!
20100226
20100224 好嬲呀! 笑一笑
今天媽媽帶我出去和她的舊同事吃午飯,
大家都讚我乖,
點知有個惡姨姨竟然搶咗我包餅去食,
我真係好好好嬲呀!
識我的都知道我為食,
除非我主動請,
如果唔係,
要由我手上拿到食物真係唔係咁易,
但都唔應該搶呀!
媽媽竟然說有很多不同的人,
不會個個都就我,
我要學吓同人分享,
但千祈唔好學咗搶人嘢呀!
家姐,
雖然惡姨姨搶你餅餅唔乖,
但你唔駛嬲咁耐喎,
學我笑一笑啦!
其實我都是瞓緊覺被吵醒,
但姨姨們專登來探我,
我梗係要做個GOOD BOY,
一齊笑笑影相.
20100222 弟弟三個月
我三個月啦!
媽媽說第一個月時最舒服, 我每天只是食和瞓;
第二個月唔知我想點,每天變來變去;
今個月終於真相大白:
1. 我想玩時一定要打直抱, 如果我肯打橫抱, 即代表開始眼瞓.
2. 晚上8:00大哭是想瞓, 但個咀又啜啜吓, 千萬不要喂我飲奶, 不然我會猛憎大哭, 也不要給我安撫奶咀, 只要放一塊紗布在我咀邊就可以. 但這一覺我只睡30分鍾, 如果8:30仍要我睡, 我又猛俾你睇架!
3. 我不喜歡聽音樂, 一定要面對面和我傾解. 睡覺前也不要音樂, 電台的沙沙聲就最好.
現在媽媽知我想點後, 覺得我好乖呀!
我比家姐更犀利,
而家晚上9:30至清晨5:30左右的夜奶我都自動介咗,
如果間中吃一餐, 喂奶, 掃風加換片只需20分鐘,
然後又睡到第二朝9:30.
早上, 下午, 黃昏小睡3次,
晚上10:30睡覺.
如果一日掛住玩沒小睡,
第二日就是睡覺日.
媽媽說我是GOOD BOY呀!
不過, 最近姐姐(菲傭)問媽媽:
BB in the first month is a handsome boy,
why now look like sir ar?
哈哈!
弟弟三個月啦!
等我幫弟弟錫啖媽媽.
媽媽說我和弟弟都是乖BB,
每天和我們一起很開心!
20100221 年初八
我又出去拜年啦!
今次是爸爸的同學團拜,
只有我和爸爸去參加,
媽媽和弟弟留在家裡.
弟弟放心啦!
我會幫你豆利是,
然後交給媽媽.
知不知我在看甚麼?
聽說是畢加索的抽象畫.
看真點,
好像是家姐的玩具喎.
都話我地小B很可憐,
晚餐時間沒人有空和我玩,
就隨手給一幅名畫我觀賞!
20100221 年初七
今日人日, 是安德烈團拜的日子,
我們一班小安德烈今日最開心,
唔單止可以一起玩,一起食,
還有利是收.
提起收利是,
媽媽說我簡直是視錢財如無物,
一手收,一手就掉到地上.
媽媽當然幫我拾起儲起.
媽媽說她們小時候很乖的,
利是錢都交給婆婆,
然後變成家裡的雪櫃呀, 洗衣機機等等,
所以決定我和弟弟都要繼承這個優良傳統.
今天去團拜,
家姐沒有午睡,
所以回家後要小睡一會兒.
我就唔同啦,
去到邊都可以瞓,
聚會時已小睡了.
難得沒布家姐吵著,
爸爸媽媽和我影相呀!
20100219 年初六
今日年初五, 繼續去拜年.
今晚去了舅父家,
又見到表哥表姐,
可以一起玩.
回家後差不多要睡覺了,
但我很乖呀,
每晚睡覺前一定祈禱,
我的樣子是不是很專心呀?
連續幾天都出去拜年,
今天晚上才去舅父家,
我無份去,
要留在家裡.
爸爸媽媽家姐回家時,
我還未睡覺,
所以他們祈禱時,
我也一起.
雖然我未懂得祈禱,
但我都乖乖一起,
不會吵的.
20100219
20100218 年初五
大件事!
自從我好像家姐一樣有一個面珠DUM,
眼眉毛又粗了後,
個個都話我似爸爸多咗!
我去滑雪呀!
今天只得9度,
我們去表哥家拜年,
他那裡更冷,
所以媽媽幫我穿得好像去滑雪.
我們搭電梯時,
碰到樓上的哥哥姐姐都穿得一樣,
大家都說咁啱去滑雪.
這次我和表哥玩動物園,
有很多動物呀!
我們小朋友最有創意,
所以我們把大象放到水裡,
烏龜爬到屋頂上.
(凱翹語錄)
凱翹(拿著枕頭): 媽咪, 我嘔呀! 濕濕.
媽媽: 吓! 你嘔呀? 俾媽媽睇睇!
凱翹: 曳曳我呀!
媽媽: 嘔唔係曳, 俾媽媽睇睇!
媽媽發覺枕頭一角濕了小小, 原來是-- 咬呀!
20100217 年初四
今天我又出去拜年,
這次是媽媽的大學同學.
由於爸爸已返工,
所以媽媽只帶我一個,
弟弟要留在家裡了.
我和小朱弟弟一到遊樂場就不停跑,
不肯停下來拍照.
今天和小朱弟弟玩的時候,
因為媽媽叫他做弟弟,
我就會叫他凱揚,
媽媽說可能我以為弟弟就是凱揚.
晚上表姐來家裡玩,
她教我唱一首歌,
雖然我不懂歌詞,
但每當表姐唱到最後一句"hey"時,
我也會一起唱,
很開心呀!
(我愈來愈多嘢講, 媽媽說加一凱翹語錄, 睇吓大家明唔明)
曳曳我呀....
咬咬the dog
爸爸鬧.
20100216 年初三
一大早,
家姐換好衣服後,
又爬到我身邊不停鍚我,
還要對媽媽說: dida dida
即拿相機拍照.
今天又是媽媽中學同學團拜,
這次我們去孖仔弟弟家裡.
看我和小弟弟包包幾friend,
我也很喜歡姐姐,
常跟她到她的房裡玩.
拍照時孖仔哥哥在吃飯,
弟弟也在飲奶.
妹妹和哥哥未到,
所以都無份影相.
20100215 年初二
今天爺爺嫲嫲, 姑媽姑丈及黑人BB表哥來拜年,
上一次見面是我滿月酒的時候,
但那次我只是睡覺,
今天就不停說話.
(現在我最喜歡別人抱我時對著我說話,
我會一起依依吖吖的)
今天媽媽的中學同學來拜年,
現在媽媽同學們的聚會,
都成了BB聚會了.
每次郁叔叔抱我我都大喊,
但麥叔叔抱則沒問題,
大家都笑郁叔叔沒有爸爸味,
要他快些結婚生小孩.
大家看看這麼多張相中,
我好像來來去去只有兩個動作 --
請妹妹食藍莓,
然後在妹妹碗中拿走一粒,
那即是我自己的由始至終都無少到啦!
20100214
20100214 恭喜. 過年
恭喜, 恭喜.
這是我第二次過新年.
今年比舊年開心,
因為我大個了,
最重要是有弟弟陪我過新年.
(謝謝郁叔叔的虎頭鞋!)
媽媽說去年借了表哥來拍全家福,
沒想到今年真的有我們自己一家四口.
真的感謝主賜了弟弟給我們.
爸爸媽媽一向打算生兩個,
計劃會是虎BB,
但我一於揀做牛BB,
可以早一年豆利是呢!
20100213
20100212 大笑. 迎新年
每天早上我醒來後,
看到媽媽都會對她笑笑,
吃奶後又會KAKA笑,
若媽媽篤篤我,
更會大笑起來.
今天是年廿九啦!
快新年啦!
去年我仍是一舊飯,
今天就唔同啦!
我幫手貼揮春,
與表姐去行花市,
還練習了講恭喜豆利是.
但好笑的是每當媽媽對我做恭喜手手時,
我的第一反應是講"阿門",
因為我當成了祈禱手手,
所以若我講了阿門,
都是祝福你呀!
20100111 為小B平反. 我和弟弟
今天媽媽和她的大學庄友傾電話,
大家都說小B很可憐.
很多人都說兩個BB一個乖就一個曳,
媽媽說這是必然的.
因為第一個難"臭"的話,
那媽媽身經百戰後,
到第二個時自然較容易應付.
若第一個易"臭"的話,
則很多情況未遇過,
第二個時自然沒有經驗處理.
家姐是乖BB,我自然被認為是曳BB.
但其實我食奶又快,晚晚大覺瞓,
只是日間瞓得比家姐少.
哎! 你估我想架,
媽媽們都說大B小B同時喊的話,
一定要先抱大B,
可想而知我地小B成日被人冷落,
有時當我地想睡覺時,
大B又來和我地玩,
攪到我地無得瞓.
媽媽的同學說她的小B才八個月,
已經成日要陪大B玩扮火車遊戲,
要媽媽"稱"住來行,
你說我們小B幾可憐?
其實我地大B好錫細B架.
每次弟弟沖完涼躺在床上,
我一定爬上去,
慢慢"典"到弟弟旁邊,
然後要媽媽替我們拍照.
當我摸摸弟弟的面珠時,
又會忍不住一啖錫落去.
20100210 食手指. 火車
呢個唔係我,
係表哥呀!
我和表哥唔單止似樣,
連興趣都一樣,
就係食手指.
我依家好努力練習,
但暫時只係食到拳頭,
所以用住表哥張相.
今天是婆婆的生日,
我們晚上一起去"浣紗廚房"吃飯,
那裡的食物真的很好味道,
所以我今天只吃半碗飯,
留肚晚上再吃.
吃飯前先到表哥家玩,
這次我們玩醫生遊戲和火車.
男孩子真的特別喜歡車,
這是我我第一次玩火車呢.
我們玩的時候,
媽媽教表姐做功課.
當媽媽要表姐找circle shape的物品時,
表姐居然指著她BB時的相片.
表姐的面比我的還要圓呢!
20100212
20100209 剪髮. 耍拳
我和姐姐一樣一出世就很長頭髮,
現在都已蓋過耳朵了.
剪甚麼髮型好呢?
光頭仔, 三七分界, 碎蔭?
穿起這對少林功夫鞋,
讓我耍套拳給大家欣賞.
今天我突然不停紮馬,
然後媽媽拍照給我看.
哎呀!失了手.
再來一個更穩的馬步.
訂閱：
文章 (Atom)