又是同一句開場白,
時間真是過得非常快,
轉眼間, 我已四個月了.
不過, 媽媽說其實不是轉眼間,
因為這個月我曳曳,
學人厭奶.
吃奶時間時,
我總是八八卦卦周圍望,
唔肯食奶.
有時媽媽由得我,
諗住餓吓我會肯食,
我又可以5,6個鍾才求其食少少.
但總會肚餓架,
我就揀了半夜又爬起身食一餐,
結果又食番夜奶,
媽媽都無我符.
不過, 另一方面我又乖乖,
這個月我好準時睡覺,
當眼瞓時放我到床上,
我捽吓眼,伸一個大懶腰後就會睡著.
媽媽最開心是聽到我叫"媽媽".
當然這其實是她一廂情願的理解.
家姐和我一樣大的時候會說"DA DI",
爸爸當是DADDY.
現在我睡醒時會說"MUM MUM",
媽媽說由於我不肯食奶,
應該不是指食MUMMUM,
那就是MAMA了.
除了畫畫後,
呢排我又鐘意"度度".
鄰居姨姨送了紙尺給我,
我就拿來度度.
我度自己的手手和腳腳,
又叫爸爸伸手給我度,
然後我又躺下叫爸爸幫我度高,
不過, 我已超出了這把尺的長度了.
提起身高,
媽媽看回以前的相片後,
發覺我自己識行後就愈來愈高,
同時也愈來愈瘦,
真難以想像我BB時是那麼肥嘟嘟的.
沒有留言:
發佈留言