20110330 爭食

 

家姐除了和我爭寵外,
還會爭食.
明明成袋包包都是我的,
家姐又要拿去吃.
嘩嘩嘩! 我大聲喊.
睇吓有無人見到我喊.
點解無人理我嘅?
好, 再大聲D.

 

為了不被家姐拿走我的包包,
我決定任何時間都雙手抓緊包包,
還要離開家姐附近.
哎呀! 點解起唔到身嘅?
但我又唔想放低包包,
點好呀?

 

有包在手的家姐在教訓我,
家姐: 弟弟, 唔你咁食架, 會跌架.
要好似我用手HOLD住呀!

20110329 畫畫畫

 

家姐喜歡畫畫,
我當然不執輸畫埋一份,
還要畫在家姐的板上.
不過, 暫時我只可畫魔術板,
不可用顏色筆,
因為除了紙外,我其他地方都想畫.

 

家姐說她畫了架飛機,
我覺得似蟑螂多D.

20110328 用咩牙膏呀?

 

小朋友用咩牙膏呀?
我以前用BB牙膏,
即可以吞落肚的,
但就沒有含FLORIDE.
現在媽媽幫我換了獅王的小朋友牙膏,
但我常說很辣,不肯用.

20110327 禮拜天. 在家中

今天是星期天,
但因為我仍有鼻水和咳,
弟弟又開始有鼻水,
所以沒有返教會和去街.

 

表姐要參加填色比賽,
來我家找媽媽教她油顏色.
因為有很多隻綿羊,
媽媽提議用綿花棒點點顏色,
希望可以有毛毛的效果,
都有點像呀!
老師派了我沒上課時的工作紙,
我也拿來畫畫.

 

畫畫後, 表姐和我湊BB,
我們像不像在談湊仔經?
表姐: 要抱著掃風呀!
我: 要用毛巾包著呀!

 

弟弟在HIGH CHAIR上站起來,
媽媽要他坐下時,
他還一臉得戚!

20110326 你食咩呀?

 

 

見過表姐扮侍應後,
我回家後又有樣學樣,
拿著畫畫板問媽媽:
你食咩呀?
然後就寫寫寫落單,
接著努力煮(泥膠).
但基於時間關係,
拿了玩具食物代替.
媽媽說要蘋果, 菜和豬肉,
我卻拿了蛋,
說: 無豬肉呀! 俾蛋你呀!
想想後, 又送多一排朱古力.